मी बघितलेय शब्दांना फुलताना
मी बघितलेय शब्द कोमेजताना
मी बघितलेत
शब्दांचे दिवे पेटताना
शब्दांशी मी खेळत असतो
शब्दांचे फुगे फुगवत बसतो
मी बघितलेत
शब्द फटकन फुटताना
शब्दात शक्ती असते
सुप्त अनु-रेणूची
शब्द मने पेटवून जातात
स्फोट घडवितात
शब्दांच्या सामर्थ्याने
सात मावळे दौडत जातात
शब्द ओथंबून येताना मी बघितले आहे
शब्दांची प्रार्थना मी अनुभवली आहे
माझ्या ओंजळीत
शब्दांचा दिवा
देवाजवळ तेवताना बघितला आहे
शब्द रडतात
शब्द रडवतात
डोळ्यातून चक्क पाणी काढतात
बाबा गेले नि भिजून गेले आईचे शब्द
शब्दांनीच सावरले आईला
आणि शब्दाना बघितलेय
तिला सावरताना
त्या दिवशी
शब्दानाच बघितलेय
तिच्या डोळ्यातील आसवे पुसताना
आणि आम्हालाही धीर देताना
आणि आमच्या पाठीशी ठाम
आई होऊन ....
मी बघितलेत
शब्दांचे दिवे पेटताना
शब्दांशी मी खेळत असतो
शब्दांचे फुगे फुगवत बसतो
मी बघितलेत
शब्द फटकन फुटताना
शब्दात शक्ती असते
सुप्त अनु-रेणूची
शब्द मने पेटवून जातात
स्फोट घडवितात
शब्दांच्या सामर्थ्याने
सात मावळे दौडत जातात
शब्द ओथंबून येताना मी बघितले आहे
शब्दांची प्रार्थना मी अनुभवली आहे
माझ्या ओंजळीत
शब्दांचा दिवा
देवाजवळ तेवताना बघितला आहे
शब्द रडतात
शब्द रडवतात
डोळ्यातून चक्क पाणी काढतात
बाबा गेले नि भिजून गेले आईचे शब्द
शब्दांनीच सावरले आईला
आणि शब्दाना बघितलेय
तिला सावरताना
त्या दिवशी
शब्दानाच बघितलेय
तिच्या डोळ्यातील आसवे पुसताना
आणि आम्हालाही धीर देताना
आणि आमच्या पाठीशी ठाम
आई होऊन ....
No comments:
Post a Comment