झाली ती परकी | Marathi Alone Lonely Sad Kavita | Feeling Lonely Alone ekta Marathi Break up sad Kavita

राहिले दूर घर माझे,जिथे मला जायचे होते
गेले सोडुन ते ह्रदय,जिथे मला रहायचे होते!

सरावले ह्रदय तिच्या सहवासाला बेमालुम
आता कुणाला त्याने आपले मानायचे होते!

प्रेमाची शीव लग्नाच्या शीवेला लागुन असते
लुटून मला,सीमोलंघन तिला करायचे होते!

बुडत गेलो आकंठ प्रेमात तिच्या मी वेडा असा
तिला तिच्या ह्रदयाच्या खोलीला मोजायचे होते!

का खेळली ती हा खेळ माझ्याशी कळले आता
कसे असते प्रेम गुलाबी,तिला शिकायचे होते!

अनुभवाची बांधून शिदोरी झाली ती परकी
रिता मी अन् रंग स्वप्नात तिला भरायचे होते!

--अनिल सा.राऊत