आठवणीत तुझ्या | Virah Sad Kavita in Marathi | Miss You Kavita | Lost in You | Marathi Kavita

तु नसते तेथे मी असाच फिरुन येतो
आठवणीत तुझ्या असाच झुरुन येतो

तु असायची तेथे वाट पाहत बसलेली
उशीर झाला मला तर थोडीसी रागावलेली
त्या जागेवरुन एकदा नजर फिरवून येतो
आठवणीत तुझ्या असाच झुरुन येतो

तु नसल्याच्या जाणीवेणे डोळे ओले होतात
तुझ्या सहवासाचे क्षण न क्षण आठवतात
तुझे शब्द मग मी मनी आठवत राहतो
आठवणीत तुझ्या असाच झुरुन येतो

चांदणे टपोर पडलेले लक्ष त्याकडे नसते
माझे आभाळ तुझ्याविन रिते मला भासते
तुझ्या स्पर्शाचा वारा अंगा झोंबून जातो
आठवणीत तुझ्या असाच झुरुन येतो
---राजेश खाकरे