पण ... नाही रडलो ! | Motivational Kavita | प्रेरणादायी कविता | Marathi Kavita - मराठी कविता |

श्वास चुकला, ध्यास हुकला
साथ सुटला, जीव तुटला
डगमगलो कित्येक वेळा पण ... नाही पडलो
पापण्या होत्या भिजलेल्या पण ... नाही रडलो


बंधन तुटले, हात सुटले
शब्द हुकले, अंदाज चुकले
हरायच्या होत्या कित्येक बाज्या पण ... नाही हरलो
पापण्या होत्या भिजलेल्या पण ... नाही रडलो

संधी हुकली, दिशा चुकली
आशा तुटली, नाती सुटली
जगायचे होते कित्येक क्षण पण ... नाही जगलो
पापण्या होत्या भिजलेल्या पण ... नाही रडलो

मीच सुटलो, पूर्णपणे तुटलो
रोजच चुकलो, नेहमीच हुक्लो
लिहायचं होता खूप कित्येक वेळा पण ... नाही लिहू शकलो
पापण्या होत्या भिजलेल्या पण ... नाही रडलो !!!


विजेंद्र