काय तुला गरज होती ? Marathi Sad Dukhi Lonely Kavita in Marathi Font | Marathi Poems for Whatsapp Facebook Social sites

काय तुला गरज होती
पुन्हा आयुष्यात येण्याची?
विझलेल्या निखार्‍याला
पुन्हा पुन्हा चेतविण्याची?
पिऊन आसवे मी
शांत पहूडलो होतो
काय तुला गरज होती
एकांती मला भेटण्याची?
काढून टाकिले मी होते
नांव तुझे ह्रदयातून माझ्या
काय तुला गरज होती
माझ्या ह्रदयी थांबण्याची?
बहरली पहाट होती
फूलून चांदण फूलांनी
काय तुला गरज होती
चांदणे फूलवण्याची?
तुझे शब्द माझ्या
ह्रदयात कोरले मी
काय तुला गरज होती
माझे ह्रदय चोरण्याची?
आलीस परतुन माझ्या
जिवनी फिरून प्रितिने
काय तुला गरज होती
मला फिरून भेटण्याची?

श्री. प्रकाश साळवी
18-02-2015.